google.com, pub-5550257686876430, DIRECT, f08c47fec0942fa0 مجمع الشعر الشعبي: 1‏/10‏/2009 - 1‏/11‏/2009

الأربعاء، 14 أكتوبر 2009

هذه الابيات للشاعر سميط الدهمشي

با اهل الركاب اللي تبون العمارات \\\ماتردفون اللي بليا مطيه

اشكي لكم ترى القوايم حفيات \\\ضاعت ذلولي يارجال الحميه

ارقب طويل الحيد والهجن عجلات\\\ورجلي على المرقاب ماهي ونيه

واذكر لكم كان المزاهب خليات \\\اشوم انا والنفس ماهي رديه

واذكر لكم عندي علوم عجيبات\\\من كثر ما اعلل من المهرجيه

والى وصلتوا لديار العذيات\\\ربعي حراويهم بهاك الجويه

يتلون ابن تركي زبون الونيات\\\بدو تشحيهم على كل نيه

وان جيتوا الوديان والقد والمات\\\وصلت جمالتكم وتمت عليه
Read more ...

هذه القصيده للشاعر عبد المحسن الهزاني

اللــــــه بنو مدلهــــــم الخيــــالا \\\طفاح ربابه مثل شرد المها الزرق
لاجاء على البكرين بنا الحلالا\\\ولاعاد لايفصل رعدها عن البرق
يسقي غروس عقب ماهي همالا\\\حط الحريق ديار الاجواد له طرق
يسقي نعام وثم يملا الهيـــــــالا \\\ويصبح حمامه ساجع يلعب الورق
جريت انا صوت الهوى بحتمالا\\\في وسط بستان سقاه اربع فرق
طبيت مع فرع جديد الحبـــــــالا\\\ وظهرت مع فرع تناحت بي العرق
روشن هيا له فرجتين شمــــالا\\\ باب مع القبله وباب مع الشرق
ومبسم هيا له بالظلام اشتعالا \\\ بين البروق وبين مبسم هيا فرق
برق على روس الشوامخ تلالا\\\اثره جبين اصويحبي واحسبه برق
ياشبه صفرا طار عنها الجلالا\\\طويلت السمحوق تنزح عن الدرق
له ريق احلا من حليب الجزالا\\\والذ من ذوب العسل ينهرق هرق
اخذت منها حبتين تتــــــــــالا \\\يوم نسناس الهوى تطرقه طرق
حنيت انا حنت هزيل الجمالا\\\ينقل روي الخيل قد مسه الحرق
وياقلته في عاليات الجبالا \\\ماها قراح وحال من دونها الغرق
ماعاد لصبيان فيها احتمالا\\\من كود مرقاها يديهم لها طرق
قالوا تتوب من الهوى قلت لالا\\\الاتتوب ارماح علوى عن الزرق
قالوا تتوب من الهوى قلت لالا\\\الاان يتوبون الحناشل عن السرق
قالوا تتوب من الهوى قلت لالا\\\الاتتوب الشمس عن مطلع الشرق
Read more ...

هذه الهجينية للشاعر نواف بن النوري بن شعلان حاكم الجوف سابقا

ياشوق عشقك درابه ناس \\\ البدو والحضر دارييني
يالله دخيلك عن الافلاس \\\ اوداعتـــك لاتخلينـــــــي
ذبحتني ياطويل الــراس \\\ ياعود حور البساتينبــي
ياعين ريمية الاطعــاس \\\ والخد خام الدكاكينــــــي
Read more ...

هذه القصيده للشاعر النوري بن هزاع الشعلان شيخ قبائل الجلاس من عنزة

نطيت راس مشمرخات العناقي\\\ والقلب يلعب بي مثل لعبة الدوك
يالله يافتاح بوب اغلاقــــــــي \\\ تفكنــــي من لابة هرجها زوك
البارحه كني على عظم ساقي \\\ اقالب الجنبين عدي على شوك
ونيت ونت غاضب البال شاقي\\\طريح قوم وبينهم طاح مشبوك
ولا غريق بغب موج غراقي \\\ينخا وعمره بين الامواج مدروك
على الذي مايتقي بالمتاقــــــي\\\يثني ورا الصابور والعج مسموك
ماينعي حي وراه الفراقـــــــي\\\ولاينكره بعد الرفاقه الى اغثوك
قم سو فنجال ترى البال ضاقي\\\فنجال يجلي كل هم وداكوك
لمحلا مزت سبيل العراقــــي \\\اصفر يجيك بلوذت التتن مفروك
ودلال بيض ماغشاهن حراقي\\\وصينيت يركض بها مثل مبروك
وفنجال بن مقيس بالقناقــــــي\\\ماحط مع بنه ولا الهيل مشروك
الى انطلق يشدا لدم الفلاقــــي\\\صبه لدسمين الشوارب الى جوك
صبه لمن يثني خلاف السباقي\\\في ساعة تلقابها كل مزنوك
صبه وعده عن خطات الهلاقي\\\يقلط على البارد ويقصر عن احوك
Read more ...

الاثنين، 12 أكتوبر 2009

هذه القصيده للشاعر\صياح بن بندر الفقير

قالها بالشيخ سلطان الفقير شيخ قبيلة الفقرا من المنابهه
رقيت لي رجم طويل ومشهور \\\وفطن علي الرجم شيخ اخباري
يامرقب المرقاب خله لمسطور\\\متعود لنط المراقيب ضاري
ضاري لعزل القوم مكمن وصابور\\\وكم هجمة خلا اهلها وقاري
تتليه دكلات السبايا تقل قور \\\ ويودع على نزل المعادي اغباري
عشرين شيخ موكلينه على الشور\\\ابيض ردا ماله عقيد يباري
بيته كبير وشامخ كنه الطور\\\بين بشدات السنين العساري
الي على ربعه كما عالي السور\\\حافظ عليهم مايبيع الدياري
امدح اخونعمه به الطيب مذكور\\\ماهي الضباع الجاحره والحباري
اما خطات الشيخ ماهو بمشكور\\\بيته خفي وكل اعلومه اصغاري
ابوك ماينفعك لاصرت مثبور\\\يمدح بفعله وانت مقطوع طاري
Read more ...

ومن شعر نمر بن عدوان الذي لم يدون هذه الابيات

ياعيال بالله لانويتوا تمدون \\\تريضوا ياعيال خوذوا وصاتي
تريضوا لرشيد يمشي على هون\\\معكم سلام تقل سكر نباتي
يا مطلق السلمان يابيرق الكون\\\يالي يمينك مثل شط الفراتي
الله يجيبك من بعيد الى دون \\\والله يحطك باللقا من تلاتي
جمعت لك كرخان مالون من لون\\\حتى لقيت الي لضميرك تواتي
يحرم عليه شرب بن وغليون\\\مادم مايدهج صميلك رواتي
انا اخو خزنه حين توليع قبسون\\\اللي لمحته بالنظر قيل ماتي
Read more ...

هذه القصيده للشيخ محمد بن دوخي بن سمير

قالها عندما عوضه الله بابناء غير ابناءه الذين فقدوا كلهم
انا ويا الدنيا شديد الحرابه \\\نوب انغلبها ونوب منها الغلايب
طرادها طراد ضوح السحابه\\\وقضابها قضاب صلف الهبايب
من عقب ماخلت دياري خرابه\\\جابت لنا من غيب الايام غايب
جابت لي اعيال سوات الذيابه\\\يوم الملاقا ينطحون الكتايب
ياسمير ابن زيدان دنياك غابه\\\توريك من عقب الحلاة النشايب
لوهي صفت لابد يجيها انقلابه\\\وتطيعها طايب ولا بغير طايب
المسعد اللي يهتني في شبابه \\\ انهب من الدنيا تراها غلايب
والحي لابد ماتجرد ثيابه \\\ صيور ماتركز عليه النصايب
Read more ...

الخميس، 8 أكتوبر 2009

هذه القصيدة للشيخ\محمد بن دوخي بن سمير شيخ قبيلة ولد علي

يادار من كثر التواقيف عفنــاك \\\ عفناك لو انك حدا والدينــا
يادار من دم المعادي سقينـــاك \\\ نطعن ولا كلت سواعد يدينا
يوم هي بحد السيف حنا حميناك\\\واليوم بعد المال زادوا علينا
يوم الذي يادار اقفا وخــــــلاك\\\ مان نشد عن احوالنا لو غدينا
حنـا بغالي الروح يادار نفـداك\\\ ماهمنا خوف العدا لو فنينـــا
لاعاش اللي ينكر جميلك وينساك\\\انتي وطنا ولالفضلك نسينا
Read more ...

هذه القصيدة للشيخ\محمد بن دوخي بن سمير شيخ قبيلة ولد علي قالها على دخيله شلاش

ياشلاش قلبك لايصيبه وشاويش \\\ حنا هالعادات كان ابتلينا
ياشلاش مانعطيك حمر الطرابيش\\\لو جمعوا كل العساكر علينا
دونك نسوق المال والخيل والجيش\\\وان لزموا ياشلاش نرهن حدينا
اخوان عذرى مابنا سيس وكديش\\\يرجع معيف وخاسر من يبينا
حنا الى سرنا بعاد المطاريــــــش\\\حامين من النقره الا حدود سينا
مركاضنا يشبع بها ناقض الريش\\\نرهب اعدانا كان صوبه مشينا
وان طار ستر منقضات العكاريش\\\عدونا لو كان قاسي يلينــــــا
وحنا عذاب الي يدور التباليــــــش\\\ ياما وليناهم وياما عفينــــــــا
Read more ...

هذي اهجينيه للشاعر\ثاني العنزي

راكب اللي يذعره ظله \\\ راعيه بالدرب يقداها
بالزراجه يوم يمهلــــه \\\ يعلم الله ماتمالاهـــــا
يم خلف عز ربع لـــه \\\ وابو زيد الشيخ ملفاها
كم جمع للعدو فلــــــه \\\ ولابته ذباحت اعداهــا
كم هنوف فاختت خله\\\ عند عيال العود ماجاها
بالحوايق تعتفر كلــه \\\ هو مفرج يوم ينخاهــا
كم هنوف قذلته فلـــه\\\ احفت الخدين ببكاهــــا
Read more ...

هذه القصيده من شعر\جدوع ن عثعث المسيكي

قالها عندما مر بمنازل الشيخ فرحان بن هديب شيخ قبيلة العبده من السبعه ووجد اثار المرح خاليه وقال يخاطب الدار



يادار يادار الخطا وين راعيك\\\اما احلفي ولا نبي العلم يادار


يادار نيران المبشع تبريك \\\ولا اصبري يادار لنار والعار


يادار جافيتي صناديد اهاليك\\\ اللي عبر واللي مع الناس خطار


صرتي سلوقيه لمن جاك يشليك\\\واليوم اشوفه هد بك كل صقار


صرتي طموح كل من جاك باغيك\\\وشمتي وخايلتي على كل مختار


عقب الاذواد اللي تدوج بمفاليك\\\اليوم يفلا بساحنك كدش وحمار


يادار عسى باذر الوسم يخطيك\\\ولاينبت بروضك زماليق نوار


فرحان كان من المعادين يحميك\\\واليوم عافك واحملي كل ماصار
Read more ...

هذه القصيدة للشاعر\ رميح محمد الخمشي

قالوا علامك ماتجي لتعاليل \\\قلت التهي ياشاربين القهاوي
مايستريح اللي بقلبه ولاويل \\\ولايقبل المجلس غريب العزاوي
هرج النيا طبه بعيد المراحيل\\\ ولاتنقضي عازات رجل يناوي
حلفت مني دين مايجدع الشيل\\\ ماراعتبوا عبو المحيل الضحاوي
نبي العريب اللي تجيه المحاويل\\\ بيته ملم المحتري والفداوي
اخو هوا ريف الركاب المراميل \\\لاجن طاويهن من القفل طاوي
لاجيت بيت الهيلعي قاصب الحيل \\\عدي عن الشكه بدو خلاوي
اللي الى جيته امر بشقر الهيل غير\\\ الخروف اللي عليه الغطاوي
احلا من السكر برقط الفناجيل \\\وعنيد الوى للعنيد الملاوي
Read more ...

الأربعاء، 7 أكتوبر 2009

هذه القصيدة غزليه للشاعر\ساكر بن ناصر الخمشي

عساك من عواده اللي تعوده \\\ ياللي سقاني ذبله في ضحى العيد
الجادل اللي كن زمت نهوده \\\نبت الزبيدي في محاجر جليعيد
من خلقت الدنيا وبنيت عموده\\\والبيض في كيد الهوى كيدهن كيد
نمر على وضحى قصيده اشهوده\\\ومن قبلنا عينت عليا وابو زيد
والد الخفاجي راح وامه تذوده \\\قلبه خذنه بالمنا والمواعيد
يبي يوري مع هل الخير جوده\\\واخر لنا قصر الاخيضر وعربيد
Read more ...

هذه القصة للشيخ صياح المرتعد شيخ قبيلة اليمنه من الجعافره الملقب مسكت الورع

هذه القصة للشيخ صياح ومطير الحمزي الشمري ففي احد سنين القحط سافر صياح وبعض جماعته من ديرتهم الاحايل على ركايب وكان الزاد شحيح وروا على نجع من عرب السويد من شمر ومن عادة الرجال قديما ان يتوزعون كل رجل ورجلين يضيفون عند بيت لكي لايثقل على راعي البيت وتفرقوا اليمنه وذهب كل رجل لبيت وجاء صياح على بيت مطير الحمزي وكان لايوجد بالبيت الا زوجته فرحبت به وقلط بالربعه وحانت من صياح اللتفاته فشاهد المراءه تصفق كف بكف وتسوج واتضح له ان المراءة متاثره من شي فناداها فاستفسر منها عن سبب تحسرها فقالت ياضيف صاحب البيت غير موجود واقسم بالله اني مااجد ما اقلطه لك فقال صياح الامر سهل ماعندك وعاء سمن قالت بلا ولاكنه خاوي قال هاتيه فاحضرته ووضعه صياح في الشمس حتى لان ثم عصره ودهن لحيته ويديه وعصاه وقال لها من زوجك قالت مطير الحمزي السويدي الشمري فقال صياح ابلغيه سلامي وقولي له يقول ضيفك صياح المرتعد الله يبيض وجهه ثم ودعها وذهب وكان متفق مع جماعته عندما يخر من بيت مضيفه يطلعون جميع جماعته وكانوا جماعته الذين تفرقوا على العرب لم يحصل احد منهم على قوت بسبب ان القوم في سنة مجاعه ولا يوجد طعام وعندما لحقوا بالشيخ صياح كانوا يتظورون جوعا وكل واحد منهم يسب معازيبه اما صياح فقد اخبرهم انه ضيف لمطير الحمزي وانه قلط له سمن وخبز والدلليل انه دهن وجهه وعصاه وكرر شكره لمضيفه مطير فتاخر رجل من قومه ليرجع لبيت مطير فامره صياح بالمسير فبعد مضي وقت اعاد الله عليهم فتوفر المكيل فسمع مطير بقصة المرتعد وانه ستر عليه وهو لم يقصر ولكن الظروف صعبه واراد ان يرد جمالة المرتعد فوسم ثنيه من الغنم وشهد جماعته ان هذه الشاه ذبيحة صياح المرتعد وربتت الشاه حتى صارت قطيع من الغنم بعد مرور عدة سنوات ثم وصى مطير على صياح ليكافئه فحضر الشيخ صياح واكرمه مطير واحضر له قطيع من الغنم من سلالة الشاه التي خصصها له وقال لصياح هذه الغنم هي من سلالة ذبيحتك وارجوا ان تستلمها وقال صياح نعم استلمها ولاكن معروف ان الضيف لاياكل الذبيحه وحده وقسم عدد من الغنم وقال هذه لمن قلط معي من الجماعه وقسم جزء اخر وقال هذا لراعيت البيت وقيل انه لم ياخذ منها وتشكر الجميع وذهب صياح وقال مطير هذه الابيات على الشيخ صياح المرتعد
يالمرتعد واجبك حق وصايب \\\عند الرجال اللي عليهم مواجيب
وسمتها بحضور كل القرايب \\\ذبيحتك يامنقع الجود والطيب
لو مابغينا ماعلينا غصايب \\\ لاشك ضيف البيت له حق مصيب
جملتنا عن عايزات المعايب \\\ يالمرتعد عاداتك ستر المعازيب
عسى فداك الي يدور السبايب\\\لاقام علق بالمعزب كلاليب
جربت شينات السنين النوايب\\\والجود من الماجود مابه تكاذيب
ترفع لك البيضا بروس الجذايب\\\عاداتك ياصياح نطح المصاعيب
ورد الشيخ صياح بهذه الابيات
الطيب بحجاج المشبب وهايب\\\والحر حر ويجذبنه مجاذيب
ثلث لنا وثلث لبيتك حلايب \\\ والثلث للجيرات هم والاصاحيب
وام العيال اللي تنوف الحبايب\\\لو غبت عنها ما دخل فكرك الريب
نشمية ماخلــفوها الزلايــب \\\ نعم بها تسوى كثير الرعابيب
لو غبت تستر غيبتك وانت غايب\\\احرص عليها يا حصان المطاليب
ومن جرب الدنيا وشاف العقايب\\\تراه مايشتا ولا يذكر العيب
واللي يسب لشبعه البطن خايب \\\ اصل القرى زين النبا والتراحيب
Read more ...

هذه القصيدة للشاعر\صنيتان العواجي مطلعها في القهوه ويسند على الشيخ محمد بن ضويهر من مشائخ الغضاوره من ولد سليمان

البارحه انا وثلاث قعودي \\\ وناسة ماشفت منها ممله
مرفعات السنم بيض الخدودي\\\عشرات يدعن واحد من محله
ماكولهن صافي الذهب والوقودي\\\ومشروبهن عذب قراح نزله
وعجز نخالف روسهن بالنفودي\\\هشايم ماهن تعاميس جله
في ربعة اللي ماتغالا النقودي\\\فنجالهن يجلي عن الكبد عله
اخو ذكر سقم الحريب اللدودي\\\ماطاع هرج اعل القلوب المغله
واخلاف ذا ياراكبين القعودي\\\وضيحان واصل ابوه كلن يدله
تلفي محمد شوق ضافي الجعودي\\\لاجيت له وده سلامي وقله
يابن ضويهر لاتبيح السدودي\\\خذ الكلام وصامل العلم كله
الهرج يامشكاي شوك الكبودي\\\والحق فقار وباقي الهرج خله
الحق كسب من الرفاقه وفودي\\\تكثر حسايف واحد ماحصله
والقول هو مصقلات الحدودي\\\ماهو وداعه يامحمد تصله
ربعك الى ضامك عدو حسودي\\\وقت اللزوم تدمح لهم كل زله
جعافره ماهم لفايف جرودي\\\خصيمه بالكون شاف المذله
جعافره زبن الطريح الطرودي\\\عدوهم جايح صوابه يمله
Read more ...

هذه القصيده لشيخ \سعد بن عايض الرشدان

نطيت انا في نابيات المشاريف\\\معمردن من نايفات المراقيب
وطالعت بالدربيل جيش مناكيف\\\ومن الخرايم غاديات جناديب
وحولت يم البيت زعلان ومعيف\\\الكبر عدى وحط حامي اللواهيب
وسويت فنجال وحفته على الكيف\\\وابدي لهم زين النبا والتراحيب
يالله كان ماعمرنا نكره الضيف \\\يسر قراهم ياوسيع المطاليب
العبد مابيديه حكمه وتصريف \\\ الحكم للي يعلم السر والغيب
تيسرت من دون شطه وتكليف\\\ولفا القرا معهم على شمخ النيب
وصلاة ربي عد نبت الشفاشيف\\\على رسول رتب الدين ترتيب
Read more ...

الثلاثاء، 6 أكتوبر 2009

هذه القصيده للشاعر\ابن ركاد العياشي يمدح العياش

بالليل شارب من بحر يطلب الفود\\\واليوم من عقب المراجل ابديله
الشيخ اللي جاهم يبي فود مقرود \\\عاف الجمل واركاب جيشه وخيله
ربع لنا حضروا وربع لنا جرود\\\وبقيت مضيعت العدو عن دليله
حدوهم العياش غصب على الكود\\\وعن السهل يرقون راس الطويله
من عز شيخ يكعم الخصم بالود \\\عطب القلوب الكاضمات الغليله
نعم بمن ياخذ على الخيل عرجود\\\ذعار راعي البلها يحوش النفيله
وبرغش اليا منه عدا فوق عرجود\\\يركض على صابور من جاه عيله
فوق المهار اللي لهن باللقا زود\\\عدات ربعي يقحمون الدبيله
حنا لهم سقم طويل ومرجود \\\وعند العشاير مابنا كل حيله
ياشيخ ما عينت شيخ لكم عود\\\شرهان يبغى ذود راع الطويله
غدوبه اللي كنهم ملح بارود \\\ونارت جموع جيوشكم منحصيله
قطعاننا من دونها شذرت العود\\\ومن دونها حدب السيوف الصقيله
Read more ...

هذه القصيدة للشاعر\راشد الحضري السويلمي يسند على عبار بن حوران المعنى

ياراكب حر من الهجن مذعار\\\يقطع بعيدات الديار بذميله
يشبه لهيق صاعه النلح وانذار\\\شاف المبندق بالشعيب يحبيله
يلفي على اللي بالملازيم صبار\\\انخاه واطلب فزعته واشتكي له
مالي صديق من الملا كود عبار\\\زين القرايض هرجته ينصغي له
البارحه عدي على واهج النار\\\ والقلب تسعربه سوات المليله
امر جرالي بالمخاليق ماصار\\\مالي على الدنيا والاقدار حيله
Read more ...

الاثنين، 5 أكتوبر 2009

هذه القصيده للشاعر\فرحان الشحمي السلطاني الدهمشي

اليوم مشروبي على الكبد ماراق\\\كن الحدج ساطي بكبدي مراره
ياونتي ونت كسير مع الساق \\\ عقب الغفر حست عليه الجباره
قلبي على ركب المزاغيف محراق\\\شقرا تنسف ذيلها عقب غاره
ياسابيقي ماساعفتها بالاوفاق \\\تقنطرت يوم احرفت بالخباره
وجدي عليها ساعة قبل خناق \\\ والرجل بين العنا والعزاره
ابغي الا غز اللواء عندالاشناق\\\وجانا المطرفموجس له نذاره
لهي كما زومان من زمل الاسواق\\\تفصم اعضود اعنانها بالحشاره
وان صكهن ريع عسير بمضياق\\\وتغانمن ريع على راس قاره
ذوق مغاتير تقل لون مشراق\\\الذيب يشبع دونهن بالمعاره
كمن عديم دونهن يوطا الارهاق\\\يرفع براس الرمح مثل الصهاره
Read more ...

وهذه الابيات للشاعر غانم اللميع من قصيده طويله

صبرنا مايصبره غير المـــهادي \\\ شايف خملة قصيره له سنينا
يوم شاف الجار لنسوان عــادي \\\ حزب الخفرات عن عـــلم يبينا
قول عنتر صدق واهروجه وكادي \\\ فاتن الاربع وحنا صابرينا
حنا ربعك كل مازاد الجهــادي \\\ عند شين الوقت نصبح زايدينا
الوعد وان سيل الله كل وادي\\\حرمت اليسرى ترى الممشى يمينا
كان حامر سال من راس الحمادي \\\ تبي سيله لك وحنا مايجينا
مرتع الفطر عريضات التوادي \\\ يرتعن القفر والخافي يبيــنا
شيخنا سعران صيروم الهدادي \\\ شيخنا لاقال لامره ماعصينا
وان تهيت سطرة تشفي المرادي\\\يتلف التلاف وتصفي من حدينا
يقصر حبل النكث بتوريد العدادي\\\ويشرب الما صافي من حبله متينا
Read more ...

وهذه القصيده للشاعر غانم اللميع يحث بها الشيخ ندى بن ضاري الظبيان شيخ قبيلة المحلف من الدهامشه

انا اصيح وماحد جاني للصياح \\\لا جهال ولافزع شيابها
يابن ضاري قم تحيزم بالاسلاح\\\حصة المرحوم لايغدابها
يامتهايف لاتهايف للطياح \\\ المراجل ماخسر تعابها
لحها لابارك الله بالالحاح \\\لحها الياما القلوب ادمابها
حتى كبش الضان يصخر بالانطاح\\\وتصخي البتيع بقطع ارقابها
Read more ...

هذه القصيده للشاعر\غانم اللميع العياشي مجاراه لاحد قصاثد الامير محمد الاحمد السديري

يابجاد شب النار وادن الدلالي\\\ يوم النعايم مكهفات على الراس
الى نام اللي قلبه من الهم خالي\\\لوازمه عقب العشا نوم وانعاس
ماصافقن قلبه سوات الادالي \\\على قليب جامع سبع الانفاس
تشاوحوه البدو وقت المحالي \\\وخطو الرشا ياتيه من ذاك لولاس
يابجاد كيف القلب صابه جفالي\\\مثل جفيل اللي لكش راس قناس
والنار له وسط الضمير اشتعالي\\\ماله ضواء يبجاد حطه بلا اقياس
واللي جرالك يالسنافي جرالي \\\ياشوق من تزها جديدات الالباس
ومن خاب ظنه خاب ياهملالي\\\ولابعد قولهلاياكود الاياس
ليه رفيق خابره قبل غالي\\\ولااتهمت مثله بالرديه والانجاس
الا ومع ذالك نافعه من حلالي\\\وثنيت دونه يوم الارياق يباس
وعلى لزومي قص كل الاحبالي\\\واصبحت كني واحد يطبخ الفاس
يبي الرشوف من الحديد الزلالي\\\نار تلضى وقدرها صلب وانحاس
والطيب مايضيع بين الرجالي\\\يضيع مابين الثعالب والابساس
Read more ...

هذه القصيده للشاعر\دبي بن عدوان المطوطح يثني على الشيخ ضاري بن ظبيان شيخ المحلف من العلي من الدهامشه

ياراكب اللي ربعن كل صحصاح\\\تسعين ليله يرتعن بالقفاري
يرعن زهر عشب نبت حين ماطاح\\\ومصيفهن يرعن شتيل الخباري
من الكويت اسرحن والجيش طفاح\\\طفاح الياما نوخن عند ظاري
زيزومن بالقيض ممسا ومصباحوالقيض يتعب حافيات السماري
ظاري لاهاج الرمك كل مرواح\\\حامي برمحه مبعدات المساري
ياشيخ ياللي لكراديس نزاح \\\يومن على الاشقر كثير العزاري
يتلونه اللي كل ماصاح صياح\\\منهم على الراس المعادي خطاري
اللي تروي شلف مع علط وارماح\\\لاحددوا مظهور زين الخزاري
يتلونه العياش مرخصت الارواح\\\عياش ماهم في عماره اداري
هل سربة بالهوش معها تمياح \\\وفي دربهم تشبع قوايا الضواري
علم لفوبه يرهج النزل بصياح\\\وكم خفرة قامت تهل العباري
ومن ضربهم قرم الرجاجيل قد طاح\\\خلوه تلعبه هبوب الذواري
Read more ...

هذه الهجينيه للشاعر \عويد المطرفي في احد غزوات الملك عبدالعزيز السعود طيب الله ثراه

يالله يامعتني بالقوت \\\ يامهون كل ما كادي
تامر سعيد يشيل الصوت\\\صكت عليه النضى عادي
جيناك مثل الرشا المصلوت\\\جيناك ولله لنا قادي
مع ابو تركي ماهاب الموت\\\ماهو عن الحرب صدادي
العسكري حاكم بالكوت \\\ متورث عقب الاجدادي
هو ماعرف فعلنا العكروت\\\والحق يقفاه طرادي
قبله فجع واحد مبخوت \\\عقب الطرب راح قعادي
واتشوف فعله عليه اثبوت\\\جدع الرجاجيل بالوادي
Read more ...

هذه الابيات من نوع الزجل تنسب للشاعر\مشرف الذرب

قال الي قوله ضباط \\\ كلمتين بحرف خط
حوط علينا الحواط \\\ واودع بالحماد انقط
الجمل للدلو مـــاط \\\ والرشا للجــال لـط
لاتغالط بالغـــلاط \\\ ترى من يغالط سط
دنيانا فيها غطاط \\\ ضهر قمرنا وازرط
ومن تراخى خبزه شاط\\\يرث على البطن اغبط
والماء لاوصل الاباط\\\ترى غالي شيلك غط
كل حديد له اخراط\\\ والحمايل بها سقط
Read more ...

هذه القصيده للشاعر\عشوي الاديب بالشيخ محروت بن هذال

عين يبركن الركايب على زور\\\الياما رقع دمانهن حين الافجار
على المعادي صلهن فجة النور\\\على المعادي صلها طير غيمار
خلا عمدهم مرذي الاجناب منثور\\\بس العجايز قاعدات على الدار
غدوا عليها اولاد وايل تقل سور\\\شعل جوادا مابهن عرق خوار
علم لفانا من طليفيح مذكور \\\كانك تداري نعمتك يابن نصار
عليك بالجراح او في شـابور\\\ولايسارك يم حويان قمــــار
انظر قناع وقاضي الناس خابور\\\جروا عليها ياطليفيح قنطار
Read more ...

هذه القصيده للشيخ عبدالله بن هذال عدينان العنزي شيخ مشاثخفباثل عنزه الملقب المحزم

هذه القصيده قالها في فرسه ويسند على مرجان احد مواليه
مرجان دنوا سابقي في جلاله \\\واحلب لها من در ذود مباكير
ابي اركبه ركب الرشا للمحاله\\\واورده توريدت الغرب بالبير
عندي لدسمين الشوارب جماله\\\ جمالة مايقبلونه هل الخيـر
ـمانساه غير البيض تنسى دلاله\\\او السما تنسى النجوم المساهير
اتيك بالويلان نقوة رجالــــــــه\\\كتم الجموع اللي تهد الطوابير
ياما وقع بنحورهم من سلالـــه\\\بحدب السيوف المرهفات البواتير
Read more ...

قصيده للشاعر\سالم النوري العنزي

يافهد ماني على دربك خوي\\\لوتقل الناس والدنيا تضيق
مير دور غيرنا يالبهلوي\\\والمنافق اعرف انه مايليق
انت تايه بالقصايد وتغوي\\\ ماتميز ذاهدير وذا نعيق
نعرف الي صوتهم يدوي دوي\\\وساحة الشعار شبوبه حريق
كل طير طار لاجوه يهوي \\\يخمر بقاعه ويصبح كالزريق
شاعر التلعات يزوونه زوي\\\لين يصبح حنطة ولا دقييق
جاك علم يلوي السانك لوي\\\مير خلك نايم واصحى تفيق
Read more ...

قصيدة للشعاعر\سالم النوري العنزي

هذه القصيده مسنده للشاعر\ناصر بن جفران الفضلي
ياناصر الفضلي ترى سهيل لو غاب\\\لابد مايطلع على الناس ويبين
والمزنه الي سيلها جاك سكاب \\\ من وين ماتنشي تهل الودادين
للخيل ركابه وللنار شــــــباب \\\ وللقاف في صدري مشب وميادين
تسري بي اهجوسي ودور لمرقاب\\\واذب صوتي واللحن حاكره زين
نوب له اسباب ونوب بلااسباب\\\ ياتي سقيا مع غبوق الشياطين
ماني بسكران ولاني بحباب\\\ ولاني محشش بامهات الغلاوين
لاكن انا شايف وعايف ومنصاب\\\من وقتنا ذقت القسا والامرين
لو قلت لي توك على التجربه شاب\\\ قلت الرسايل تنقري بالعناوين
اللي مساكنهم قبل وسط الاهداب\\\ عقب التجارب مايلوحون بالعين
عاش الجمل ماحسب لوقته احساب\\\وثر الجمل تبرد عليه السكاكين
تطمع به اللي مابجماها ولا ناب\\\تطلع لها نيبان لاطاح ويدين
صداقة من دونها نقفل الباب\\\ مالي ومال اهل الردى والرديين
وش عاد لوهم بالزمن لبسوا اثياب\\\ريحت عفنهم ماتبيله براهين
يشهد علي الله ماهم لي اصحاب\\\اليا وقف سوامهم بعتهم دين
كل ماطرالي بيت فكاك الانشاب\\\مشعان ابن هذال وخذ المضامين
الطيب مايزرع بصبخا وجبجاب\\\والناس مخلوقه يابو سيف من طين
وابن الردي لوطاب يومين وان طاب\\\ الثالث يبين الردى فيه ويحين
ماضاع حق ومن ورى الحق طلاب\\\شعارنا لو كان راحت فلسطين
اختامها مني سلام وترحاب\\\ عليك تهدى ياسليل المسمين
رد الشاعر ناصر بن جفران الفضلي
الله يقدرني على مسك الاعصاب\\\واكسب رهن ابيات واحد وعشرين
مرسولكم منه غدى الفكر مرتاب\\\تسكر طناخت راس عزي على الدين
اسهيل لاتامن بشوفته الاشعاب\\\ اشارته تعكس طقوس الميازين
والليل لامنه كسا النور بحجاب\\\ لاغاب فيه اسهيل راع الجدي وين
يامداهمن وقت قرض بعض الاشناب\\\وهول الرفاقا يوم بان المقفين
ان كانها بالهوش مافزع بمصلاب\\\وان كانها المال كاش مسدين
اشلع سما بعين الرفاقا والاقراب\\\حتى تصير العارفه بين الاثنين
الله خلق بالناس صادق وكذاب\\\والتجربه تبديلك الزين والشين
وقت به العصفور يفرس بمخلاب\\\والحر بقايا صورته بالدواويين
رماية اليشمر ولباسة الكاب\\\ناخت رحايلهم وصاروا مقيمين
الروس ماتركع على شان الاذناب\\\ لو ربنا يقفي صفوف المصلين
كم ردي بالعرب نال الاعجاب\\\ وكم من صميدع خالفته القوانيين
تخفي الزلايب ماتسوي بجلباب\\\تستر رداها وتتصف بالميامين
وصويحبك لازل باديه بعتاب\\\يمكن تلاقي بجعبة له مساجين
واذا سها عذره يرجعكم اصحاب\\\لاتنطحه بالسيد والدرب سيدين
والصاحب اللي بالاصاحيب يغتاب\\\زته على جال الغضا والمضلين
اقبر ذهابه حي لاتكد اياب\\\ياطيه في غرب العدامه من البين
من يستحي من حرمته مات ماجاب\\\تكرم عن اوصاف الردى والخسيسين
حيثن ساسك من عريبين الانساب\\\حبلان ضد للجيوش المعادين
وكنك توقد نار صدري بتيزاب\\\لاقلت غزه مابقا له معزين
او لا نوسم وجه الاذناب بخضاب\\\لاصار ماعادولنا عز حطين
Read more ...

الأحد، 4 أكتوبر 2009

هذه القصيده للشاعر\محدى بن فيصل الهبداني الجعفري

لو المراجل تنقضي بس ساعه\\\كان اجتمعنا كلنا يالهبادين
الطيب يدرك بالكرم والشجاعه\\\لاشك ماقدروا عليه الرديين
الطيب صبر وقو باس اوقاعه\\\والغانمه تعرض بكل الاحايين
الطيب بير ما اجد قاس قاعه\\\والمرجله ماتنوصل غير باثنين
سيف شطير الحد صلب القطاعه\\\ومنسف يقلط للضيوف المجيعين
من غر من هذا يسوق الرتاعه\\\لوهو عريب الساس ينعد مسكين
Read more ...