لشاعر\مرشد البذالي
اليوم في قلبي من الوجد لهاف = أخطف أخبار الطراقي تخاطيف
سمعت علماً حط بالقلب رجاف = وأمسيت من علم الخطر خارب الكيف
ياسعود ياعله خبر كل مزهاف = ما كان ينسب من رجال عواريف
ياسعود من دورات الأيام ينخاف = كل النفوس معرضة للصواديف
الله من وجداً للأفكار خطاف = ومن ونتاً ما تحتملها السراجيف
والعين كن الها عن النوم عصاف = مالي جدا الا أقول ياحيف ياحيف
النوم والمطعوم والضحك ينعاف = لين أفهم المعنى بكل التواصيف
أما ضحكت من الفرح ضحك ميلاف = ولا عملت الطربت البال توقيف
ياليتني لسرار الأخبار عراف = اليوم أسنع وش خبر مكرم الضيف
أما لقيته مثل حرٍ بمشراف = والا صفقت الكف بالكف تعريف
ليت الدبور اللي للأعمار قصاف = يمنع عن اللي فعل يمناه قد شيف
مانيب في حبي لابو زيد لفاف = محبة ترجع لكسب المصاريف
أنا غرامي ربعت الناس الأشراف = فهود الرجال اللي عليهم تحاسيف
اللي لهم في مرقب المجد ميقاف = وأمداحهم توكيد ماهيب تزييف
الطيب لو أنه على الغير ينشاف = لازم يجيله بالمجالس سواليف
والا ألردي لو هو جمع كل الأصناف = مال وجمال ونال كل التكاليف
مثل السراب اللي على البعد كشاف = ولا ينقذ العطشان من حومة الصيف
هذا هواى وكل ناس لها أهداف = الخير يحكم فيه والظن تهديف
ومن يدعي بكمالت العرف ماناف = ومن عاف فكر الناس في فكرهم عيف
وأنا سبب تكوين فكري ها لاوصاف = ماهو طرب ولا بعد زود تصنيف
لي صاحبٍ يحسد عواريض الأصداف = سمعت علم عنه مكروه ومخيف
يا سعود شفي كان ردت للأشفاف = علم ينظف مخزن الشك تنظيف
