لشاعر\ براك الفريسي الشمري
ياحيف يابراك ياراعي الكار \\\ يالي دروب المرجله عادة له
ياما نقلتك للمبادع من الدار \\\ وياما مشينابك بذيك الاظله
وياما تجشمت الفيافي والاقفارى \\\ كم رمثة طيرتها من محله
وياما سكب بالجو من خلفي اغبار\\\وكم قطعت طاحت مني وقلت خله
نفداك يامنسل طويلين الاشبار \\\والي مثل شرواك انا فدوة له
والله مذكر حط بي ربع مسمار\\\ ولاحطبي لستك ولا رقعة له
دايم وانا شيهانة بكف صقار \\\ لامن دعاها شلعت سبق له
اسبق جديد الجيب لوكان فكس ار\\\والجمس والنيسان حتى الكورله
حتى الفياقرا الي ذكرته بالاشعار\\\وش عاد لو ماركبوا سفتي له
ولون لونه ثلجي عاد وش صار\\\ولوهي من الالمان وش عاد بله
بالله علمني ترى ديتري فار \\\ احرقتني يالقرم بمدحة لــــــه
انا مثل غيري تراني انا غار \\\ لاتمدحه ترني تقل جارة لـه
انا اقتصاديه وقطاعت اسفار \\\ الالف كيلو اقطعه بجغمة له
انا استوبيشي لاحصل عج وامطار\\\الي يجرب مركبي ما يمله
والله لطوفه وعين عمار بالنار \\\ لو الثمن عمري ماهو حاصل له
مير ان هذا الوقت يالقرم دوار \\\ ناس تدور السالفه ماتحله
هذا زمان مقلط البس للفار \\\ يالله عساني بدربها عثرة له
منهو مثل صبري على الغبن صبار\\\ حتى القرايا يالفريسي ادله
جيت الكويت وجيت الاردن وسنجار\\\حتى مصر جيته وجيت المحله
واسال عني عراك عن ذيك الاسفار\\\وقصيدته بي قاله شاهد له
مار وابلفي الي طار من عقب مادار\\\ والزيت مع كنداستي قمت ازله
وطق الكرنك وعض بالجوف مسمار\\\والمروحه توقفت بكرة له
والسير حاول وانتخا وصابه اسطار\\\ودخن وخارت قوته في محله
وطفى المكيف والمسجل والانوار\\\وريح العطب مني تقل ريح جله
حاولت ماقف لاكن الجور لاجار \\\يجبرك في جوره ويوريك غله
وبقت معالم جثتي بيمن القــــــار\\\وعضيت صدام القهر والمذله
كله سبايب صا حب لي علي جار\\\ يوم اغتنا زتن تقل فضلة له
