هذه القصيده للشاعر مريبد العدواني

الله من قلب تزايد عذابه\\\ والعين عيت تقبل النوم واتريح
يالله طلبتك ياسريع الاجابه\\\ تفتح لنا باب الفرج بالمفاتيح
يالله برزق وانت فتاح بابه\\\ ياخالق قوت البدو والفلاليح
النوم ساس الوم بان الردابه\\\وعين تبي الطولات نومه شلافيح
والي يدور الفود يتعب اركابه\\\ والرزق بطراف الخطا يااهل الفيح
الذيب مايرقد ورزقه انهابه\\\ يبحث عن الغارات حول المصاليح
يحمد مصابيح السرى من سرابه\\\ باليل الاظلم والنعايم مدابيح
تغاروا المرقاب مثل الذيابه \\\وتقابلوا مثل الحرار المفاليــــــح
وانا على الي يوم ساجن احقابه \\\تشدا قطاة وردوها الجواويح
قالوا هذيك البل تسلل احرابه \\\وقالوا جنبها عاشقين الطماميح
الله يلوم الي بخاله خنابه\\\ لاجت هروج القوم عنها تصافيح
يوم انطلق مثل الرعد من سحابه\\\ بكفوف كوخان العيون الذوابيح
منكل مسلوب يوكد صوابه\\ بصمع الفرنج الموميات المطاويح
كثرت مناجيهم وصارت اطلابه\\\ وجنك كما ذود لحوظه مراويه
وثور عقيد القوم ثم عدابه \\\لهم على عوص النجايب مشاويح