لشاعر \خلف المشعان العنزي
ياكثرهم .. لا قلت لك .. عرفة وجيه\\\وياقلهم .. لا قلت .. قـدر ومعـزه
رجلٍ .. تعزه بعد ماتلتقـي .. فيـه\\\ورجلٍ .. قبل ماتلتقي بـه .. تعـزه
ورجلٍ .. ترزه بالمجالـس مباديـه\\\ورجلٍ .. فلوسه بالمجالـس تـرزه
ورجلٍ يموت ولا يجيبون طاريـه\\\ورجل ٍ .. يجي طاريه في كل حـزه
ورجلٍ يهزه بعض موقف ويشقيه\\\ورجلٍ .. مهوب أيّات موقف يهـزه
ورجلٍ ضعيف .. ويستفزه معاديه\\\ورجلٍ .. كلام اعداه .. مايستفـزه
ورجلٍ تلزه يعترف لـك بخافيـه\\\ورجلٍ .. على خافيه .. محدٍ يلـزه
ورجلٍ .. يوزونه .. ويزعل بنيخيه\\\ورجلٍ يزعّل من يحاول يـوزه
ورجلٍ .. تكزه لازم انـك توصيـه\\\ورجلٍ .. بليّا ما توصيـه .. كـزه
من لا فرش .. للمرجلـه ماتغطيـه\\\ومن لايخز .. الناس .. محدٍ يخـزه
وان كانها عرفه فهي عرفة وجيه \\\ يبقالها بالقلب قدر ومعزه
